Lífið og tilveran

5.12.2006 | 16:21

AFSAKIÐ HLÉ.

Stjórnmál og samfélag | Breytt s.d. kl. 16:30 | Slóð | Facebook | Athugasemdir (1)

12.11.2006 | 12:17

Úrslit í Suðurkjördæmi

Þá liggja úrslit í prófkjöri í Suðurkjördæmi fyrir Skógarfoss

Árni Mathiesen
Árni Johnsen
Kjartan Ólafsson
Björk Guðjónsdóttir
Unnur Brá Konráðsdóttir
Drífa Hjartardóttir
Guðjón Hjörleifsson
Grímur Gíslason
Helga Þorbergsdóttir
Gunnar Örlygsson
Kristján Pálsson
Birgitta Jónsdóttir Klasen
Kári Sölmundarson

Ég óska þeim sem fengu brautargengi til hamingju með árangurinn.

Bestu þakkir færi ég þeim þeim sem sýndu mér það traust að styðja mig og hjartans þakkir til allra þeirra sem aðstoðuðu á einn eða annan hátt í aðdraganda prófkjörs.

Stjórnmál og samfélag | Breytt 3.5.2007 kl. 18:55 | Slóð | Facebook | Athugasemdir (0)

11.11.2006 | 13:40

Þá er runninn upp prófkjörsdagur, bjartur og fagur. Frá Garðsskaga að Hvalnesi býr kraftmikið fólk til sjávar og sveita. Ég hef á undanförnum vikum átt þess kost að hitta marga íbúa Suðurkjördæmis og það hefur verið mér bæði til gagns og gamans. Ég hef hitt fyrir traust og einlægt fólk sem hefur framtíðarsýn fyrir sig og sitt samfélag.

Væntingar íbúanna til stjórnmálamanna eru ekki síst þær að þeir vinni að því að móta reglur samfélagsins með þeim hætti að hver og einn fái notið kosta sinna í eigin þágu og samfélags síns og hafi færi á að skapa sér og sínum gott og innihaldsríkt líf.

Prófkjörsbaráttan hefur, eins og hún snýr að mér, farið vel fram og ég er sátt við minn hlut þar. Nú er að bíða úrslita og auðvitað vonast hver og einn frambjóðandi til að fá umboð kjósenda til að skipa það sæti sem eftir var sóst á lista sjálfstæðismanna fyrir næstu alþingiskosningar.

Mestu skiptir að listinn verði sigurstranglegur og líklegur til að tryggja gott fylgi í þá vinnu sem fyrir liggur til framtíðar.

Stjórnmál og samfélag | Breytt 3.5.2007 kl. 18:49 | Slóð | Facebook | Athugasemdir (0)

10.11.2006 | 13:58

Styttist í prófkjör

Nú styttist í að sjálfstæðismenn í Suðurkjördæmi velji úr hópi frambjóðenda í prófkjöri þá sem þeir treysta best til að vinna að hagsmunamálum fólksins í kjördæminu og landinu öllu. Helgu á þing

Það er margt spáð og spekúlerað í kringum prófkjör en það sýnir sig að það á við hér sem annarsstaðar að það er erfitt að spá, sérstaklega um framtíðina.

Það er þó alveg ljóst að þegar úrslit liggja fyrir verða menn mis sáttir við sinn hlut. Þrettán frambjóðendur sækjast eftir fimm sætum. Það þarf ekki spádómsgáfu til að sjá að ekki munu allir ná settu marki.

Prófkjörsbaráttan hefur í mínum huga verið skemmtileg og fræðandi. Ég hef hitt og kynnst fjölda fólks og fengið að heyra hvað brennur á íbúum kjördæmisins, til sjávar og sveita.

Það hefur verið mér dýrmæt reynsla að fá ótrúlega margar upphringingar frá fólki víðsvegar úr kjördæminu, sem styður mig og er tilbúið til að aðstoða mig í framboðsbröltinu.

Það er ómetanlegt að eiga gott heimaland. Fólkið hér heima hefur svo sannarlega verið styðjandi og hvetjandi, svo ekki sé minnst á vinnu sem lögð hefur verið að mörkum.

Á morgun verður kosningakaffi á Halldórskaffi kl. 14-17. Hittumst þar!

	13 í framboði hjá Sjálfstæðisflokknum í Suðurkjördæmi
Ábyrgðarmaður færslu Tilkynna um óviðeigandi tengingu við frétt

Stjórnmál og samfélag | Slóð | Facebook | Athugasemdir (0)

9.11.2006 | 14:17

FUNDUM LOKIÐ.

Nú er lokið sameiginlegum fundum frambjóðenda. Síðustu fundirnir voru í Reykjanesbæ og í Árborg. Helgu á þing Báðir fundir voru vel sóttir og skemmtilegir. Fjörugar umræður og fyrirspurnir. Allstaðar eru heilbrigðismálin fólki hugleikin. Það kemur ekki á óvart því þessi málaflokkur er ein af þeim stoðum sveitarfélaganna sem þurfa að vera styrkar og aðgengi að þjónustunni gott.

Það má raunar segja að velferðarmálin almennt beri oft á góma. Aðstæður ungra fjölskyldna og aðstæður aldraðra og það hvernig megi sem best búa hópum tækifæri til góðra daga.

Þegar ég var á Selfossi hafði nýlega verið útvarpað viðtali við þingmann Frjálslynda flokksins um stöðu mála varðandi innflytjendur til landsins. Þetta viðtal hafði vakið nokkra athygli og komu þessi mál nokkuð til umræðu á þeim fundi.´Ég hef rætt nokkuð um málefni sem tengjast innflytjendum og var þá að leggja áherslu á mikilvægi þess að þeir fengju góða tungumálakennslu og gætu þannig samlagast okkur sem fyrir erum og tekið þátt í samfélaginu á eigin forsendum.

Varðandi það upphlaup sem varð með viðtalinu við hinn frjálslynda þingmann tel ég að afar mikilvægt sé að láta þessa umræðu ekki lenda í skotgröfum þar sem menn ýmist sækja eða verjast. Þetta er nauðsynleg umræða sem um leið er auðvelt að leið út á vondar brautir, við skulum vanda okkur.

Stjórnmál og samfélag | Breytt s.d. kl. 15:37 | Slóð | Facebook | Athugasemdir (0)

9.11.2006 | 13:58

Helgu Þorbergs á þing!

Helgu á þing

Stjórnmál og samfélag | Slóð | Facebook | Athugasemdir (0)

6.11.2006 | 13:43

FERÐIR FRAMBJÓÐANDANS

Helgu í 4. sæti

Á laugardagsmorgun lagði ég af stað með þá áætlun að hitta gott fólk í Hveragerði í opnu húsi sjálfstæðismanna þar, fara á sameiginlegan fund frambjóðenda á Hellu og hitta fleira gott fólk á ferð minni um Árnes-og Rangárvallasýslu.

Gerði ráð fyrir að fara heim um kvöldið og fljúga svo frá Bakka um hádegisbil á sunnudegi til að taka þátt í fundi í Vestmannaeyjum. Fyrri hluti áætlunarinnar gekk eftir. Það var fjölmenni í Hveragerði og fjörugar umræður.Fundurinn á Hellu var sömuleiðis harla góður og fundarformið gefur góða möguleika á návígi við fundarmenn og innihaldsríkum umræðum. Samgöngumál eru ofarlega í huga manna á báðum stöðum. Öflug grunnþjónusta og mikilvægi fjölbreytts atvinnulífs eru einnig áherslumál.

Eftir fundinn á Hellu var ljóst að spáð var vondu veðri daginn eftir og nokkuð ljóst að ekki yrði flugveður og varla sjófært. Ekki voru áform um að fresta fundi í Eyjum, ég taldi afar mikilvægt að hitta eyjamenn og tók því þá ákvörðun að breyta áætlun og taka ferð með Herjólfi þá um kvöldið svo ég kæmist örugglega til fundar við vestmannaeyinga. Var ekki búin undir útilegu og stökk því inn í verslun og keypti það nauðsynlegasta. Var því miður ekki með fartölvu frekar en annað, og lítið varð úr áformum um greinaskrif og blogg, en koma tímar og koma ráð.

Það var veltingur í Herjólfi en ég lá í koju og leið bara bærilega. Átti góðan tíma í Eyjum, fór í sund að morgni sunnudags og messu í Landakirkju eftir hádegi. Ákvörðun var tekin um að fresta fundinum sem átti að vera kl 16: til kl. 20: því ríflega helmingur frambjóðenda var ekki kominn til Eyja og einhver von var talin á að flugfært yrði með kvöldinu. Svo varð ekki og það voru því sex frambjóðendur sem funduðu með vöskum hópi heimamanna.

Það kom ekki á óvart að það eru samgöngumálin sem brenna á heimamönnum. Þar eru þrír valkostir helst til umræðu, auk flugsins. Bakkafjöruferja, jarðgöng og svo stærri og betri Herjólfur. Niðurstaða í þessum málum þarf að liggja fyrir sem fyrst, en jafnframt er nauðsynlegt að tím verði tekin til að ljúka þeirri undirbúningsvinnu sem nauðsynleg er svo tryggt verði að þeir kostir sem best gagnast verði valdir. Það þarf að vinna hratt og markvisst að því að ljúka þeim rannsóknum því um lífæð Vestmanneyja er að ræða. Ég hitti talvert af fólki bæði á förnum vegi og á fundi, sem lagði áherslu á nauðsyn þess að athugað Hótel Þórshamar yrði strax með möguleika á leigu á stærra og betra skipi á leiðinni Eyjar –Þorlákshöfn, meðan aðrir kostir væru skoðaðir niður í kjölinn.

Það var orðið flugfært á Bakka að morgni mánudags, ferðin tók 6 mínútur, átti bílinn minn á Hellu. Ók sem leið lá til Víkur og er nú að leggja af stað til Reykjanesbæjar þar sem von er á fjölmennum fundi í kvöld. Frambjóðandinn er sem sagt á ferð og flugi og hefur sem fyrr gagn og gaman af.

Myndin er tekin á Hótel Þórshamri í Vestmannaeyjum, hlýtt og notalegt inni en úti stormur og stórsjór.

Stjórnmál og samfélag | Breytt s.d. kl. 14:59 | Slóð | Facebook | Athugasemdir (2)

4.11.2006 | 00:27

Góður fundur á Hornafirði

Helgu í 4. sæti

Í gær ók ég sem leið lá frá Vík áleiðis til Hornafjarðar á sameiginlegan fund frambjóðenda í prófkjöri sjálfstæðismanna. Í Vík var hlýtt en dimmt yfir og regn. Eftir því sem austar dró létti til og við stöllurnar, Guðný Guðnadóttir formaður félags eldri borgara í minni sveit og ég, nutum hins fagra útsýnis sem við blasir á þessari leið. Misstum tölu á einbreiðum brúm á leiðinni, bæði vegna útsýnis og fjörugra samræðna

Borðaði gómsætan humar á kaffihorninu hjá Ingólfi, en Guðný fékk ýsu sem hún mælir eindregið með! Síðan var fundur í pakkhúsinu á Höfn. Pakkhúsið er skemmtilegt hús niður við höfnina og eins og nafnið gefur til kynna gegndi það áður öðru hlutverki en því að vera formlegur fundarsalur. Hornfirðingar hafa farið þá leið í því að gera húsið upp að láta gamlar fjalir halda sér og ég fann góðan andblæ liðinna tíma í húsinu, þetta mun enda vera eitt elsta húsið á Hornafirði. Það mun upphaflega hafa verið flutt frá Papósi sem var á fyrri öldum verslunarstaður Skaftfellinga.

Á fundinn mættu á fimmta tug heimamanna, en fundurinn var með því óhefðbundnu sniði að heimamenn skiptust upp í hópa jafn marga frambjóðendum og þannig fengu allir tækifæri til að skiptast á skoðunum í návígi og gaf það glögga mynd af hugmyndum Hornfirðinga. Það er hugur í heimamönnum á Hornafirði og þeir hafa dug og afl í sókn, líkt og verið hefur um aldaskeið. Tímarnir breytast og mennirnir með, og er það Hornafjarðarfundur greinilegt á þessu svæði! Útgerðin og vinnsla sjávarfangs hefur í gegnum tíðina verið undirstaða atvinnulífs á Höfn. Ferðaþjónusta og þeir möguleikar sem Vatnajökulsþjóðgarður gefur færa nýjar víddir í frjóa hugsun samfélagsins eystra. Menn eystra hafa þó nokkrar áhyggjur af stoðum samfélagsinsm, þrátt fyrir sókn heimamanna. Það er því ástæða til að huga að störfum á vegum hins opinbera og svo forræði heimamanna á málefnum er varða þeirra hag.

Þess ber að geta að Hornfirðingar hafa sýnt framsýni og dug, meðal annars með því að taka yfir þjónustu á vegum heilbrigðiskerfisins og málefna fatlaðra. Þar má margt af þeim læra.

Ég vil þakka Hornfirðingum kærlega fyrir góðan fund og það verður að segjast að ég hlakka til að eiga samvinnu við heimamenn á komandi tímum því þar finn ég kjark, djörfung og hug.

Stjórnmál og samfélag | Breytt s.d. kl. 17:13 | Slóð | Facebook | Athugasemdir (0)

1.11.2006 | 23:54

Fundir frambjóðenda

Var að koma af skemmtilegum og góðum fundi hér í Vík. Miðvikudagskvöld eru reyndar æfingakvöld hjá kirkjukórnum í Vík og nú voru allir kirkjukórarnir í hreppnum og kvennakórinn að æfa saman fyrir Allra heilagra messu n.k. sunnudag. Þannig að það voru margir uppteknir við raddþjálfun, sem annars hefðu komið á fund. Eigi að síður var vel mætt og afar dýrmætt að finna þann eindregna og góða hug og stuðning sem ég á hér í heimabyggð.

Nú taka við sameiginlegir fundir frambjóðenda og verða þeir sem hér segir:

2. nóv. kl. 20:00 Pakkhúsið Höfn

4. nóv. kl. 16:00 Árhús Hellu

5. nóv. kl. 16:00 Akogeshúsið Vestmannaeyjum

6. nóv. kl. 20:00 Stapi Reykjanesbæ

7. nóv. kl. 20:00 Hótel Selfoss Árborg

Auk þessara funda ætla ég mér að fá lækninn til að „leysa mig af" í vinnunni svo ég hafi tækifæri til að vera meira á ferðinni um kjördæmið og hitta mann og annan. Vösk sveit heimamanna hér heima er tilbúin í vinnu fyrir mig, auk þess fæ ég góð símtöl og pósta allstaðar að úr kjördæminu, af því er aldrei of mikið.

Guðný Guðnadóttir formaður félags eldri borgara í Mýrdalshreppi ætlar að fara með mér á Höfn, svo ég hef góðan félagsskap á leiðinni þangað.

Ég hlakka til þessara funda, því hvernig sem allt veltist og fer, finnst mér af því bæði mikið gagn og gaman að fá tækifæri til að hitta fólk á hinum ýmsu stöðum og ræða þau mál sem efst eru á baugi. Það er kraftur í sjálfstæðismönnum í Suðurkjördæmi í aðdraganda prófkjörs.

Stjórnmál og samfélag | Breytt 2.11.2006 kl. 14:22 | Slóð | Facebook | Athugasemdir (0)

31.10.2006 | 13:38

Kosning utan kjörfundar

Hér má finna upplýsingar um hvar og hvenær hægt er að kjósa utan kjörfundar fram að prófkjöri:

Austur Skaftafellssýsla
Sjálfstæðishúsið á Höfn
Opið frá og með 27. október á þriðjudögum, fimmtudögum og föstudögum kl. 17-19

Vestur Skaftafellssýsla
Skrifstofa Mýrdalshrepps, Austurvegi 17, Vík
Frá 27. október á föstudögum kl. 17-18

Árnessýsla og Árborg
Sjálfstæðishúsið Austurvegi 38 á Selfossi
Opið frá og með 30. október alla daga kl. 17-19

Rangárvallasýsla
Þrúðvangur 18 á Hellu
Opið frá 27. október alla virka daga kl. 17-19

Vestmannaeyjar
Ásgarður við Heimagötu
Frá 30. október alla daga kl. 17-19

Reykjanes
Stapi
Frá og með 30/10, alla daga frá 17-19